इचलकरंजी –हबीब शेखदर्जी
दि .१४ इचलकरंजी विधानसभा मतदारसंघातील महायुतीचे अधिकृत उमेदवार राहुल प्रकाश आवाडे यांच्या प्रचारार्थ सुरु असलेल्या पदयात्रांना सर्वच स्तरातून उदंड व उत्स्फूर्त प्रतिसाद मिळत आहे. गावभागातील मख्तुम दर्गा, राणाप्रताप चौक परिसर तसेच लालनगर, नारायणनगर येथे प्रमुख पदाधिकार्‍यांच्या उपस्थितीत भव्य अशा प्रचार पदयात्रा संपन्न झाल्या. पदयात्रेने इचलकरंजी विधानसभा मतदारसंघात एक उत्साहवर्धक वातावरण निर्माण केले आहे.
राहुल आवाडे यांनी पदयात्रेत प्रत्येक भाग अन् भाग फिरत मतदारांशी थेट संवाद साधला. त्यांच्या अडचणी व समस्या जाणून घेतानाच सर्वांनी मतरुपी आशिर्वाद द्यावेत. तुमचा प्रतिनिधी म्हणून विधानसभेत आवाज उठविण्यासह सर्वच प्रश्‍नांची निर्गत करण्यासाठी मी कटीबध्द राहिन, अशी ग्वाही दिली. पदयात्रेदरम्यान भागाभागात महिलांनी राहुल आवाडे यांचे औक्षण करत त्यांना विजयाचे आशिर्वाद दिले. फटाक्यांची आतषबाजी, वाद्यांचा गजर आणि पुष्पवृष्टी अन् तरुणांचा उत्साह अशा वातावरणात पदयात्रा काढण्यात आली.
यावेळी उपस्थितांना संबोधित करताना राहुल आवाडे यांनी आपल्या भविष्यातील राजकीय दृष्टिकोनाबद्दल आणि जिल्हा परिषद सदस्य असतानाच्याा कार्यकाळातील प्रगतीच्या योजनांबद्दल माहिती दिली. त्याचप्रमाणे स्थानिक समस्यांचे निराकरण करण्यासाठी सर्वांनी एकत्रितपणे कार्य करावे असे आवाहन केले. यावेळी भाजप आणि महायुतीचे प्रमुख पदाधिकारी, कार्यकर्ते, नागरिक, महिला व बूथ कमिटी मेम्बर्स मोठ्या संख्येने उपस्थित होते.
त्याचबरोबर गोसावी गल्ली, म्हेतर गल्ली, केटकाळे गल्ली, गोंधळी गल्ली, सांगावकर बोळ, जमादार गल्ली, बोनगे गल्ली, काजवे हॉस्पीटल, आण्णा रामगोंडा शाळा परिसरातील पदयात्रेत मोठ्या संख्येने सहभागी होत नागरिकांनी राहुल आवाडे यांना पाठबळ दिले. यावेळी भारतीय जनता पार्टीचे अधिकृत उमेदवार राहुल आवाडे यांच्या प्रचारार्थ घर टु घर माहितीपत्रकांचे वाटप करण्यात आले. शिवाय ठाकरे चौक परिसर, शंकर पोवार गल्ली, कोरवी गल्ली, जावळे गल्ली, तुरंबेकर गल्ली, नवकुटकर गल्ली विभूती गल्ली परिसरातील पदयात्रेला उदंड प्रतिसाद मिळाला.