कबनूर:हबीब शेखदर्जी
दि .२५:अयोध्या येथील प्रभू श्री रामलल्ला प्राणप्रतिष्ठापना सोहळ्यानिमित्त श्री मारुती देव ट्रस्ट कबनूर यांचे तर्फे मारुती मंदिर येथे महाआरतीचे आयोजन करण्यात आले होते. मंदिरामध्ये प्रभू श्री राम यांच्या मूर्तीची प्रतिष्ठापना करणेत येऊन महाआरतीसाठी प्रमुख उपस्थित मान्यवर ग्रामपंचायत सदस्य माननीय श्री. भैय्यासाहेब जाधव, ग्रामपंचायत सदस्या मा.श्रीमती रजनी गुरव मा.श्री.युवराज कोळी यांचे हस्ते महाआरती झाल्यानंतर साखर पेढे वाटप करून व फटाके वाजवून आनंद साजरा करणेत आला. या सोहळ्यासाठी श्री.धनाजी देवकर, श्री.अनिरुद्ध कोरे, श्री.अशोक सुतार, श्री.प्रथमेश सुतार, सौ. वर्षा कोरे, श्री.सुधाकर महाडीक , श्री.रोहित परीट, श्री. प्रशांत गुरव, श्री.राहुल गुरव, श्री.वरूण गुरव, तसेच मोठ्या प्रमाणात महिला भाविक भक्त, हनुमान भक्त, रामभक्त उपस्थित होते.
सदर सोहळ्यासाठी आठ दिवस अगोदर गावामध्ये निमंत्रण पत्रिका व मंगल अक्षता वाटप करून घरोघरी दिवे लावून दीपोत्सव साजरा करण्याचे आवाहन करणेत आले होते. तसेच मंदिरामध्ये चार दिवस गावातील स्वामी – जंगम समाजा मार्फत राम नाम जप , हनुमान चालीसा, भजन हे कार्यक्रम घेण्यात आले. प्रभू श्री रामलल्ला प्राणप्रतिष्ठापना सोहळा अतिशय मंगलमय आणि उत्साही वातावरणात संपन्न झाला असल्याचे तसेच हा सोहळा भक्तिमय आणि मोठ्या प्रमाणात साजरा करण्यासाठी ज्या ज्ञात अज्ञात रामभक्त ,हनुमान भक्तांचे सहकार्य लाभले त्यांचे श्री मारुती देव कबनुर ट्रस्ट मार्फत विश्वस्त श्री सुभाष गुरव यांनी आभार मानले.