कडवई: ०३/१०/२०२४
संगमेश्वर तालुका स्तर शालेय मैदानी स्पर्धा 2024 मध्ये वयोगट 17 मधील विद्यार्थ्यांनी उत्कृष्ट कामगिरी करत महाराष्ट्र उर्दू हायस्कूल, कडवई चे नाव उज्वल केले आहे.
या स्पर्धेत रजीन सज्जाद जांभरकर यांनी गोळाफेक स्पर्धेत द्वितीय क्रमांक पटकावला. तसेच, अरहान रिजवान जांभरकर यांनी भालाफेक स्पर्धेत द्वितीय क्रमांक मिळवला, तर झोया अहमद माजगावकर यांनी भालाफेक स्पर्धेत तृतीय क्रमांक प्राप्त केला.
या यशामुळे शाळेच्या विद्यार्थ्यांमध्ये आनंदाचे वातावरण असून, क्रीडा क्षेत्रातील या कामगिरीबद्दल सर्वांचे अभिनंदन केले जात आहे. शाळेचे मुख्याध्यापक, शिक्षक आणि क्रीडा प्रशिक्षकांनी या विद्यार्थ्यांचे कौतुक करत त्यांना पुढील स्पर्धांसाठी शुभेच्छा दिल्या आहेत.