इंटरनेशिया परिवाराचे रक्तदान शिबीर संपन्न

नागपूर :नंददत्त डेकाटे

दि.१८ मे :  दिघोरी नाका ,नागपूर मधील नुर येथील माथाडी कामगार सेनेच्या संयुक्त विद्यमाने व इंटरनेशिया फॅशन इंडस्ट्रीच्या वतीने रक्तदान शिबीर आयोजित करण्यात आले होते.सर्व प्रथम डॉ. बाबासाहेब आंबेडकर व शिवाजी महाराज यांच्या प्रतिमेला माल्यार्पण करण्यात आले व रक्तदान शिबीराला प्रारंभ करण्यात आला.

या प्रसंगी माथाडी कामगार सेनेचे शहर अध्यक्ष श्री. सिध्देश्वर कोमजवार यांची उपस्थिती होती. श्री. अजय कुमार शर्मा यांनी रक्तदात्यांना सहकार्य करुन मनोबल उंचावले.
या शिबिरात ४० ते ५० रक्तदात्यांनी रक्तदान केले यात मयुर वासनिक,रोशन सव्वालाखे, मोनाली वाघमारे, प्राजक्ता पेंदाम, शेशनाथ नवघरे यांनी रक्तदान केले.तर शुभम श्रीवास, राहुल निमजे, प्रज्वल मेश्राम, अभय बिके, विक्की वासनिक, सपना पेंदाम आणि दिपाली डडमल यांनी सहकार्य केले.