खेड:प्रतिनिधी
दि.१८ : क्रीडा व युवक सेवा संचालनालय,पुणे,जिल्हा क्रिडा परिषद व जिल्हा क्रीडा अधिकारी रत्नागिरी,तालुका क्रीडा परिषद व तालुका शारीरिक शिक्षण संघटना खेड यांच्या वतीने सन २०२४-२५ या शैक्षणिक वर्षामध्ये आयोजित केलेल्या तालुका स्तरीय बुद्धीबळ,स्पर्धेत एफ,इ,एस, इग्लिश मिडियम ,स्कूल,फुरुस ,खेड या हायस्कूलच्या कु.सांची शिर्के हिने प्रथम क्रमांक पटकवला आहे.
कु.सांची सचिन शिर्के हि इयत्ता ७ वी मध्ये शिकत असून तिने १४ वयोगटात सदरचा विजय संपादन केला आहे.कु.सांची शिर्के यांची दि.२८ व २९ ऑगस्ट २०२४ रोजी होणाऱ्या जिल्हास्तरीय बुद्धीबळ स्पर्धेतसाठी निवड करण्यात आली आहे.तिने मिळवलेल्या यशाबद्दल तिचे सर्व स्तरातून कौतूक केले जात आहे..