ठाण्यात संभाजी भिडेंवर आणखी एक एफआयआर: आव्हाड म्हणाले अटक केल्याशिवाय सभागृह चालू देणार नाही

ठाणे:प्रतिनिधि

दि:३१:जुलै: शिवप्रतिष्ठान हिंदुस्तानचे संभाजी भिडे यांना बुधवारपर्यंत अटक न केल्यास राज्य विधिमंडळाचे सुरू असलेले पावसाळी अधिवेशन चालू देणार नाही, असे राष्ट्रवादीचे आमदार जितेंद्र आव्हाड यांनी सोमवारी सांगितले. भिडे यांनी महात्मा गांधींबद्दल अपमानास्पद वक्तव्य केल्याचा आरोप आहे

विश्रांतीनंतर पावसाळी अधिवेशन बुधवारी पुन्हा सुरू होऊन शुक्रवारपर्यंत चालणार आहे . मुंब्रा-कळवा मतदारसंघाचे प्रतिनिधीत्व करणारे राष्ट्रवादीचे आमदार आणि राष्ट्रवादीच्या इतर कार्यकर्त्यांनी ठाण्यातील नौपाडा पोलिसांत जाऊन भिडे यांच्या विरोधात लेखी तक्रार दिली.

ठाणे पोलिसांनी भिडे यांच्याविरुद्ध भारतीय दंड संहितेच्या कलम 153A (विविध गटांमध्ये वैर वाढवणे) आणि 500 (बदनामी) या कलमांखाली एफआयआर नोंदवला.

भिडे यांनी महात्मा गांधी आणि ज्योतिबा फुले यांसारख्या प्रतिकांवर केलेली निंदनीय टिप्पणी म्हणजे मणिपूरसारख्या गंभीर प्रश्नावरून लक्ष विचलित करण्याचा डाव असल्याचे आव्हाड म्हणाले.