महाराष्ट्र उर्दू हायस्कूल, कडवईच्या विद्यार्थ्यांची तालुकास्तरीय मैदानी स्पर्धेत घवघवीत कामगिरी

कडवई: मुजीब खान 

संगमेश्वर तालुकास्तरीय शालेय मैदानी स्पर्धा 2024 मध्ये महाराष्ट्र उर्दू हायस्कूल, कडवईच्या विद्यार्थ्यांनी वयोगट 14 मध्ये उल्लेखनीय कामगिरी केली आहे. सदर स्पर्धा मीनाताई ठाकरे विद्यालय, सडवली, देवरुख येथे दिनांक 5 ऑक्टोबर 2024 रोजी मोठ्या उत्साहात पार पडली. विद्यार्थ्यांनी मार्गदर्शक शिक्षक जावेद दखनी यांच्या नेतृत्वाखाली उत्कृष्ट कामगिरी करत घवघवीत यश संपादन केले.

स्पर्धेतील विविध इव्हेंटमध्ये विद्यार्थ्यांनी खालीलप्रमाणे क्रमांक मिळवले:अयान राऊत – वयोगट 14, 200 मीटर धावणे – तृतीय क्रमांक,नूर आलम अन्सारी – वयोगट 14, 100 मीटर धावणे – तृतीय क्रमांक,मरियम साबीर पटेल – वयोगट 14, गोळा फेक – द्वितीय क्रमांक,अयान राऊत – वयोगट 14, गोळा फेक – तृतीय क्रमांक,मरियम साबीर पटेल – वयोगट 14, थाळी फेक – तृतीय क्रमांक,अरकम अजीम गुहागरकर – वयोगट 14, थाळी फेक – तृतीय क्रमांक

या उल्लेखनीय यशाबद्दल शाळेचे मुख्याध्यापक रिजवान कारीगर, शिक्षक व शिक्षकेत्तर कर्मचारी, एज्युकेशन सोसायटी कड‍वईचे अध्यक्ष सादीक काजी आणि सदस्य, पालक, ग्रामस्थ आणि जमातुल मुस्लिमीन कडवई यांच्याकडून विद्यार्थ्यांचे अभिनंदन करण्यात आले.