कबनूर येथे फटाके कारखान्यात भीषण स्फोट

कबनूर :चंदुलाल फकीर

दि. २३ : येथील कोल्हापूर रोडवरील फुलेनगर येथील एका फटाक्याच्या कारखान्यात अचानक स्फोट होऊन एका तरुणाचा जागीच मृत्यू झाला ही घटना आज सकाळी ७.३० च्या दरम्यान घडली. परवेज रफी मुजावर असे त्या तरुणाचे नाव आहे घटनास्थळी शिवाजीनगर पोलीस हजर होते .

याबाबत अधिक माहिती अशी की श्री रफि मुजावर यांच्या मालकीचे फटाका तर करण्याचा अमन फटाके मार्ट या नावाने कारखाना आहे येथील जलस्वराज्य पाणीच्या टाकीजवळ त्यांचा शोभेची दारू तयार करण्याचा फटाक्याचा आहे .नेहमीप्रमाणे परवेज हा सकाळी सदरच्या कारखान्यांमध्ये साफ सफाईसाठी गेला होता ,त्या ठिकाणी अचानक स्फोट झाला स्फोटाची तीव्रता इतकी होती की या स्फोटाचा आवाज सुमारे २ किलोमीटर पर्यंत गेला होता.

या स्फोटात कारखान्याची पत्रे, भिंती सर्व साहित्य उडून दूरवर गेली होती. स्फोटाच्या आवाजाने आजूबाजूच्या घराच्या खिडकीच्या काचा फुटल्या होत्या .या घटनाची माहिती समजतात घटनास्थळी शिवाजीनगर पोलीस, त्याचबरोबर अग्निशमन दल ,कबनूर गावचे तलाठी, गाव कामगार कोतवाल हे दाखल झाले होते नागरिकांनी मोठी गर्दी केली होती सकाळी 11 वाजेपर्यंत पंचनामा सुरू होता

परवेज याचा मृतदेह शवविच्छेदनासाठी येथील इंदिरा गांधी ग्रामीण रुग्णालय येथे आणण्यात आले होते .परवेज याच्या मृत्यूची घटना समजताच नातेवाईक मित्र मंडळ यांनी मोठी गर्दी केली होती. दुपारी २.३० वाजता परवेज याचे दफनविधी पार पडला .या घटनेने कबनूर गाव व परिसरात हळवळ व्यक्त केली जात आहे .परवेजाच्या पाठीमागे आई-वडील ,तीन विवाहीत बहिणी ,पत्नी ,तीन मुले असा मोठा परिवार आहे या घटनेचा अधिक तपास शिवाजीनगर पोलीस करत आहेत