**महाराष्ट्र उर्दू हायस्कूल अँड ज्युनिअर कॉलेज, कडवई येथील विद्यार्थ्यांची राज्यस्तरीय स्पर्धेत यशस्वी भरारी**

*कडवई, (मुजीब खान:)*

महाराष्ट्र उर्दू हायस्कूल अँड ज्युनिअर कॉलेज ऑफ सायन्स, कडवई येथील विद्यार्थ्यांनी राज्यस्तरीय क्रीडा स्पर्धेत उल्लेखनीय यश संपादन केले आहे. *डेरवण येथे १ सप्टेंबर रोजी* आयोजित रत्नागिरी जिल्हा ज्युनिअर ॲथलेटिक्स चॅम्पियनशिप २०२४ स्पर्धेमध्ये या शाळेच्या १५ विद्यार्थ्यांनी सहभाग घेतला होता. त्यापैकी तीन विद्यार्थ्यांची राज्य स्तरावर निवड झाली आहे.

या स्पर्धेत *अदनान शहा* आणि *अरहान जांभारकर* यांनी भालाफेक स्पर्धेत सुवर्णपदक मिळवून आपल्या शाळेचे नाव उज्ज्वल केले, तर *रझीन जांभारकर * याने रजत पदकावर आपली मोहोर उमटवली. मुलींच्या गटात *जोया मजगावकर* आणि *सारा खान* यांनी कांस्यपदक जिंकून आपले कौशल्य सिद्ध केले.

या यशस्वी विद्यार्थ्यांचे मार्गदर्शन *श्री. जावेद दखनी सर* यांनी केले. या उल्लेखनीय कामगिरीबद्दल *द एज्युकेशन सोसायटी कडवईचे अध्यक्ष श्री. सादिक काझी सर, उपाध्यक्ष डॉ. अन्सार जुवळे सर* आणि शाळेचे मुख्याध्यापक *रिजवान कारिगर सर* यांनी सर्व विद्यार्थ्यांचे अभिनंदन केले. शाळेतील शिक्षक व शिक्षकेतर कर्मचाऱ्यांनी देखील विद्यार्थ्यांचे अभिनंदन करून त्यांना शुभेच्छा दिल्या.