यड्राव: कयूम शेख
दि.५ :”जीवनात यशस्वी होण्यासाठी आत्मविश्वास महत्वाचा असतो. तो आत्मविश्वास विद्यार्थ्यांमध्ये निर्माण होण्यासाठी शरद पॉलिटेक्निकमध्ये विविध कौशल्ये व आधुनिक तंत्रज्ञानाचे प्रशिक्षण देण्यात येते. औद्योगिक क्षेत्रात आवश्यक असणारे तंत्रज्ञान, कौर्सेसही महाविद्यालयात सुरु करण्यात आले आहे. तसेच जीवनात यशस्वीतेसाठी शॉर्टकट नाही, प्रामाकणिकपणा व प्रचंड कष्ट आणि त्याचबरोबर व्यक्तीमत्वातील नम्रता हे गुण अंगीकारला तर यश हमखास मिळतं. शिक्षण संस्था ह्या फक्त शिक्षणाचीच मंदिरे नसून ती संस्काराचीही मंदिरे आहेत. हा संदेश ‘शरद पॅटर्न’ देतो. प्रत्येकाने आपल्या आई, वडील व शिक्षकांचा आदर राखला पाहीजे.” असे प्रतिपादन शरद इन्स्टिट्युट ऑफ टेक्नॉलॉजीचे एक्झिक्युटीव्ह डायरेक्टर अनिल बागणे यांनी केले. ते यड्राव येथील शरद इन्स्टिट्युट ऑफ टेक्नॉलॉजी, पॉलिटेक्रिकमध्ये प्रथम वर्ष विद्यार्थी स्वागत समारंभात बोलत होते.
श्री. बागणे म्हणाले, “विद्यार्थ्यांनी तंत्रज्ञानासोबत औद्योगिक पूरक कौशल्य शिकावे. ह्या अद्यावत कौशल्याचे उपयोग स्वतःचा उद्योग उभारण्यासाठी, चांगल्या कंपनीत नोकरी व जीवनात यशस्वी बनण्यासाठी होणार आहे. त्यामुळे शरदमधील विद्यार्थ्यांच्या स्वप्नांना नवी झेप मिळणार आहे.”
दरम्यान महाविद्यालयाचे प्राचार्य वी. एस. ताशीलदार यांनी महाविद्यालयची माहिती दिली. प्रथमवर्ष विभागप्रमुख प्रा. ए.बी. जुगळे यांनी विभागाची माहीती देवून विद्यार्थ्यांचे स्वागत केले. यावेळी प्रवेश घेतलेल्या गुणवंत विद्यार्थ्यांचा मान्यवरांच्या हस्ते सत्कार करण्यात आला.यावेळी सर्व डिन, विभाग प्रमुख याच्यासह शिक्षक, शिक्षकेत्तर कर्मचारी, पालक व विद्यार्थी उपस्थीत होते. सूत्रसंचालन प्रा. डी.व्ही. लोहार, प्रा. एस.एस. कुडचे यांनी केले. आभार प्रा. एम.एस. पाटील यांनी मानले.