डीकेटीईचे प्रा. आशिष हुल्ले यांना पी.एच.डी. प्रदान

इचलकरंजी: विजय मकोटे 

दि.३०ःजून २०२६: येथील डी.के.टी.ई.च्या टेक्स्टाईल अ‍ॅन्ड इंजिनिअरींग इन्स्टिटयूट मध्ये टेक्स्टाईल विभागात कार्यरत असणारे प्रा. आशिष हुल्ले यांना शिवाजी विद्यापीठ, कोल्हापूर यांचेकडून पी.एच.डी. ही पदवी प्राप्त झाली आहे. प्रा हुल्ले हे गेली ११ वर्षापासून सहायक प्राध्यापक म्हणून डीकेटीईमध्ये कार्यरत आहेत. त्यांनी ‘इन्फलुएन्स ऑफ हायब्रिड टेक्स्टाईल रिइन्फोर्समेंट ऑन द कॅरेक्टरिस्टिक्स ऑफ पॉलिमर मॅट्रिक्स कंपोझिट्स’ या विषयावर पी.एच.डी.प्रबंध पूर्ण केला आहे. या संशोधनासाठी त्यांना डीकेटीई संस्थेचे डे. डायरेक्टर प्रा डॉ यु.जे.पाटील यांचे मार्गदर्शन लाभले.
पी.एच.डी. पूर्ण झालेबद्दल संस्थेचे अध्यक्ष कल्लाप्पाण्णा आवाडे, माजी मंत्री प्रकाश आवाडे, मानद सचिव डॉ.सौ.सपना आवाडे, कार्यकारी संचालक रवी आवाडे व सर्व संचालक यांनी अभिनंदन केले व भावी कार्यासाठी शुभेच्छा दिल्या. यावेळी संस्थेच्या डायरेक्टर डॉ. एल.एस.आडमुठे, डे.डायरेक्टर प्रा.डॉ. यु.जे.पाटील उपस्थित होते.