खो-खो विभागीय स्पर्धेत शरद पॉलिटेक्निकचे विजेतेपद

यड्राव: राम आवळे 

दि .१२ :  इंटर इंजिनिअरिंग डिप्लोमा स्टुडंट्स स्पोर्ट्स असोसिएशनच्या विभागीय खो-खो स्पर्धेत शरद पॉलिटेक्निकच्या संघाने विजेतेपद पटकावले, तर महादेवराव वांद्रे इन्स्टिट्युट ऑफ टेक्नॉलॉजी, चंदगड यांनी उपविजेतेपद मिळविले. स्पर्धेचे आयोजन शरद इन्स्टिट्यूट ऑफ टेक्नॉलॉजी, पॉलिटेक्निक, यड्राव येथे करण्यात आले होते.

स्पर्धेचे उद्घाटन संस्थेचे एक्झिक्युटिव्ह डायरेक्टर अनिल बागणे यांच्या हस्ते झाले. यावेळी ते म्हणाले, “पॉलिटेक्निकचे विद्यार्थी तंत्रशिक्षण घेत असल्याने खेळासाठी कमी वेळ मिळतो. तरीही विद्यार्थ्यांनी या स्पर्धेत सहभाग घेतला, ही कौतुकास्पद गोष्ट आहे. खेळामुळे खिलाडूवृत्ती आणि चुरस वाढते, जे जीवनात यश मिळविण्यास मदत करते.”

१४ संघांमधून शरद पॉलिटेक्निक विजयी

या विभागीय खो-खो स्पर्धेत जिल्ह्यातील १४ महाविद्यालयांचे संघ सहभागी झाले होते. सर्व संघांनी उत्कृष्ट खेळाचे प्रदर्शन केले. अंतिम फेरीत शरद पॉलिटेक्निकने विजय मिळवत विजेतेपदावर मोहोर उमटवली.

कबड्डी स्पर्धेत अशोकराव माने पॉलिटेक्निक चमकदार

कबड्डी स्पर्धेत १७ संघांनी सहभाग घेतला. अंतिम फेरीत अशोकराव माने पॉलिटेक्निकने विजेतेपद पटकावले, तर शासकीय तंत्रनिकेतन, रत्नागिरी उपविजेता ठरला.

आंतर विभागीय स्पर्धेसाठी विजेते पात्र

खो-खो आणि कबड्डी दोन्ही स्पर्धेतील विजेत्या संघांची निवड आंतर विभागीय स्पर्धेसाठी करण्यात आली आहे.

पंचांची भूमिका महत्त्वाची

खो-खो स्पर्धेसाठी कोल्हापूर जिल्हा खो-खो असोसिएशनचे प्रमोद मकोटे व सहकारी यांनी पंच म्हणून जबाबदारी पार पाडली. कबड्डी स्पर्धेसाठी बाळासो चव्हाण, धनंजय माने-गावडे व सहकारी पंच म्हणून कार्यरत होते.स्पर्धेच्या आयोजनाबद्दल विद्यार्थ्यांनी आणि खेळाडूंनी समाधान व्यक्त केले असून, आंतर विभागीय स्पर्धेत विजेते संघ आपली कामगिरी उंचावतील, अशी अपेक्षा व्यक्त होत आहे.