गटई कामगार लाभार्थ्याना  गटई स्टॉलचे वितरण.  

कोल्हापूर: प्रतिनिधी

दि.९: गटई कामगारांनी गटई स्टॉलचा वापर गटई कामासाठी करून आपले आर्थिक जीवनमान उंचवावे असे प्रतिपादन समाजकल्याण कोल्हापूरचे सहायक आयुक्त सचिन साळे यांनी केले.

     डॉ.बाबासाहेब आंबेडकर शासकीय मुलांचे वसतिगृह हातकणंगले येथे पात्र व मंजूर 22 लाभार्थ्यांना मा समाजकल्याण कोल्हापूरचे सहायक आयुक्त सचिन साळे व विशेष समाजकल्याण अधिकारी अक्षय कुरणे, यांचे  हस्ते गटई स्टॉलचे वितरण  करण्यात आले. यावेळी समाजकल्याण निरीक्षक चित्रा शेंडगे, वसतिगृहाचे अधीक्षक अशोक करमळकर, कनिष्ठ लिपिक शाहू प्रधान तसेच तालुका समन्वयक सचिन कांबळे व वसतिगृह  कर्मचारी अमर बोरगे  व  इतर कर्मचारी उपस्थित होते.

    शासन निर्णयानुसार गटई कामगारांना स्टॉल देण्याची योजना ही महाराष्ट्र शासनाच्या सामाजिक न्याय व विशेष सहाय्य विभागातर्फे राबवली जाणारी एक कल्याणकारी योजना आहे. या योजनेअंतर्गत अनुसूचित जाती (चर्मकार व इतर तत्सम) प्रवर्गातील पादत्राणे दुरुस्ती करणाऱ्या (गटई कामगार) गरीब व्यावसायिकांना ऊन, वारा आणि पावसापासून संरक्षण मिळण्यासाठी १००% अनुदानावर मोफत लोखंडी पत्र्याचे स्टॉल दिले जातात. तसेच स्टॉल सोबत इतर साहित्य खरेदी अनुदान ५०००/- डीबीटी द्वारे लाभार्थ्यांच्या बैंक खातेवर वर्ग करणेत येतात.

    या योजनेमधून वितरित करण्यात येत असलेले गटई स्टॉल हे पहिल्या टप्प्यातील असून या कार्यालयाकडे पात्र असणाऱ्या लाभार्थ्यांसाठी जस-जसे शासनाच्या वतीने गटई स्टॉल प्राप्त होतील तसे टप्प्याटप्प्याने तालुक्याच्या ठिकाणी गटई स्टॉलचे वितरण करणेत येईल तसेच  आज वितरण करणेत आलेल्या गटई स्टॉलचा वापर हा गटई कामासाठीच करावा व आपले जीवनमान उंचवावे असे मत या प्रसंगी मा. सचिन साळे, सहायक आयुक्त, समाजकल्याण कोल्हापूर यांनी वेक्त केल. या प्रसंगी 22 गटई कामगारांना गटई स्टॉलचे वितरण करणेत आले,