‘गोकुळ’ मार्फत विश्वरत्न डॉ. बाबासाहेब आंबेडकर जयंती उत्साहात साजरी  

कोल्हापूर: रेणू पोवार

दि.१४: कोल्हापूर जिल्हा सहकारी दूध उत्पादक संघ (गोकुळ) यांच्या वतीने संघाच्या ताराबाई पार्क येथील विकास कक्ष कार्यालयात भारतीय राज्यघटनेचे शिल्पकार, विश्वरत्न डॉ. बाबासाहेब आंबेडकर यांची १३५ वी जयंती उत्साहात साजरी करण्यात आली.

          यावेळी गोकुळचे माजी चेअरमन ज्येष्ठ संचालक अरुण डोंगळे, संचालक डॉ. सुजित मिणचेकर, व संचालक मंडळाच्या हस्ते डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन करण्यात आले.याप्रसंगी गोकुळचे संचालक डॉ. सुजित मिणचेकर म्हणाले की, डॉ. बाबासाहेब आंबेडकर यांनी देशातील विविध जाती-धर्मांना एकत्रित ठेवण्याचे कार्य केले. सामाजिक न्याय, दलित हक्क तसेच भारतीय संविधान निर्मितीत त्यांनी मोलाचे योगदान दिले. समता, स्वातंत्र्य आणि बंधुता या मूल्यांचा समावेश करून त्यांनी देशाच्या प्रगतीचा भक्कम पाया रचला, असे त्यांनी सांगितले.

          कार्यक्रमाचे स्वागत व प्रास्ताविक डॉ. एम. पी. पाटील यांनी केले, तर आभार डॉ. दयानंद काळे यांनी केले.या कार्यक्रमास गोकुळचे माजी चेअरमन ज्येष्ठ संचालक अरुण डोंगळे, संचालक डॉ. सुजित मिणचेकर, प्रकाश पाटील, मुरलीधर जाधव, पशुसंवर्धन व्यवस्थापक डॉ. प्रकाश साळुंखे, डॉ. दयावर्धन कामत, संकलन सहा.व्यवस्थापक दत्तात्रय वागरे, डॉ. एम. पी. पाटील, एस. आर. पाटील, अशोक पुणेकर तसेच संघाचे अधिकारी व कर्मचारी उपस्थित होते.