‘गोकुळ’ मध्ये शिवराज्याभिषेक दिन साजरा

कोल्हापूर:प्रतिनिधी 

दि.०६: कोल्हापूर जिल्हा सहकारी दूध उत्पादक संघ (गोकुळ) च्‍या वतीने संघाच्‍या ताराबाई पार्क कार्यालय येथे महाराष्ट्राचे आराध्य दैवत छञपती शिवाजी महाराज यांच्या ३५२ व्या शिवराज्याभिषेक दिनानिमित्य संघाचे प्राधिकृत अधिकारी मंडळाचे अध्यक्ष संजयकुमार सुद्रीक यांच्या हस्ते व प्रशासकीय मंडळाचे सदस्य, अधिकारी यांच्‍या उपस्थितीत छञपती शिवाजी महाराज यांच्‍या शिवराज्याभिषकेच्या प्रतिमेस पुष्पहार घालून, औक्षण करण्यात आले. तसेच छत्रपती शिवाजी महाराजांच्या कार्याचे स्मरण करून शिवराज्याभिषेक दिन साजरा करण्यात आला.

        यावेळी संघाचे प्राधिकृत अधिकारी मंडळाचे अध्यक्ष संजयकुमार सुद्रीक, सदस्य प्रदीप मालगावे, सागर बलकवडे, डॉ.चंद्रकांत परूळेकर, गोकुळचे कार्यकारी संचालक डॉ.योगेश गोडबोले, डेअरी महाव्यवस्थापक अनिल चौधरी, मार्केटिंग व्यवस्थापक हनमंत पाटील, पशुसंवर्धन व्यवस्थापक डॉ.दयावर्धन कामत, धनाजी पाटील, डॉ.प्रकाश दळवी, अशोक पुणेकर, जनसंपर्क अधिकारी सचिन पाटील व संघाचे अधिकारी, कर्मचारी उपस्थित होते.