दत्त साखर शिरोळच्या कै. दत्ताजीराव कदम व्यायाम शाळेतील तीन खेळाडूंची राज्य व राष्ट्रीय स्पर्धेसाठी निवड!

शिरोळ : राम आवळे 

दि.२९ :श्री दत्त शेतकरी सहकारी साखर कारखाना लि. दत्तनगर शिरोळ अंतर्गत असलेल्या कै.दत्ताजीराव कदम कामगार कल्याण मंडळ ट्रस्ट च्या व्यायाम शाळेतील तीन गुणवान खेळाडूंची विविध राज्य व राष्ट्रीय स्तरावरील स्पर्धांसाठी निवड झाली आहे. या घवघवीत यशामुळे खेळाडूंमध्ये व परिसरात उत्साहाचे वातावरण आहे.शालेय राज्यस्तर मल्लखांब स्पर्धेसाठी ​कु.वेदांत अनिल गावडे याची निवड झाली आहे.​मुंबई विद्यापीठांतर्गत झालेली कुस्ती व ज्युदो या खेळातील वेगवेगळ्या ठिकाणी होणाऱ्या ‘ऑल इंडिया’ राष्ट्रीय स्पर्धेसाठी कु.सर्वोदय संजय देबाजे या खेळाडूची निवड झाली आहे.शिवाजी विद्यापीठांतर्गत झालेल्या रोप मल्लखांब स्पर्धेतून ‘ऑल इंडिया’ राष्ट्रीय स्पर्धेसाठी जयसिंगपूर कॉलेजमधून ​कु.सृष्टी भानुदास माने हिची निवड झाली आहे.
​           या सर्व यशस्वी खेळाडूंचा दत्त उद्योग समूहाचे प्रमुख उद्यान पंडित गणपतराव पाटील, कारखान्याचे चेअरमन रघुनाथराव पाटील,संचालक शेखर पाटील,नितीन बागे, ज्योतीकुमार पाटील,शरदचंद्र पाठक व सर्व पदाधिकारी यांच्या हस्ते सत्कार करून पुढील स्पर्धेसाठी हार्दिक शुभेच्छा देण्यात आल्या.या खेळाडूंना उद्यान पंडित गणपतराव पाटील व मंडळाचे अध्यक्ष संजीवकुमार देसाई,सचिव निलेश पाटील,सदस्य- विलासराव माने व प्रशिक्षक- संजय देबाजे सर यांचे मोलाचे सहकार्य लाभले.